Халĕ ĕç тупма çăмăл мар. Анчах Вăрнарти 29-мĕш професси училищинче пĕлỹ илекенсемшĕн çак ыйту çивĕч тăмасть. Водитель, хурт-хăмăр ăсти, пахчаçимĕç çитĕнтерекен тата пурнăçра кулен кирлĕ ытти профессине вĕрентеççĕ кунта çамрăксене училище пурнăçĕпе туллинрех паллаштарас тĕллевпе кашниçулах уçă алăксен кунне йĕркелеççĕ. Кăçал çак мероприятие 100 ытла каччăпа хĕр килнĕ. Вĕсене вĕрентỹ кабинечĕсене кĕртсе кăтартнă, пулас профессисемпе паллаштарнă, училище столовăйĕнче тутлă апат çитернĕ. Уçă алăксен кунне хутшăнакансенчен чылайăшĕ малашне кунта вĕренме кăмăл пурри çинчен пĕлтернĕ.