«Химик» стадионта районти кăна мар, республика шайĕнчи ăмăртусем те час-часах иртеççĕ. Тĕрлĕрен уявсенче те халăх йышлăн пухăнать кунта. Анчах та куракансем валли стадинра халиччен лайăх условисем пулман. Ларма вырăн çуккипе ăмăртусене тăрсах пăхма тивнĕ. Çывăх вăхăтрах кунта 500 çын вырнаçмаллăх трибуна пулĕ. Ăна «Вăрнарти хутăш препаратсен завочĕ» уçă акционер обществин вăйĕпе тăваççĕ. Халĕ никĕс яма вырăн хатĕрлеççĕ. Трибунăна Химиксен кунне паллă тунă тĕле хута яма палăртаççĕ. Сăмах май, иртнĕ ĕмĕрти утмăлмĕш-çитмĕлмĕш çулсенче стадионра йывăçран тунă трибуна пурччĕ. Анчах та вăхăт иртнĕ май вăл кивелсе çĕрнипе йăтăнса анас хăрушлăх тухса тăнă6 ăна пăсма тивнĕ. Халĕ химиксем вăрнарсене çĕнĕ трибуна парнелеççĕ.