Халăх дружини йĕркелĕхе сыхлать
Тивĕçлĕ органсем çине тăрса ĕçлеççĕ пулин те право йĕркине пăснă тĕслĕхсем çав-çавах нумай тĕл пулаççĕ. Çитĕннисем кăна мар, чылай чухне çула çитменнисем те преступлени çулĕ çине тăраççĕ. Çамрăксене йăнăш çул çине пăрăнасран асăрхаттарас тĕллевпе Кÿлхĕрри ял администрацийĕнче 7 çынран халăх дружини йĕркеленĕ. Дружинниксен йышĕнче ялти шкул учителĕсем те пур. Вĕсем пурте 2-3 ачаллă çемьесенчен. Дружинниксем дежурствăна ялти клубра дискотека ирттернĕ каçсенче тухаççĕ, 21 сехетрен пуçласа 24 сехетчен йĕркелĕхе сыхлаççĕ. Уйăхра кашни пĕр хутчен дежурствăра пулать. Çапла халăхпа пĕрле тăрăшсан право йĕркине пăснă тĕслĕхсем чакасса шанаççĕ кÿлхĕррисем.