Çапла, Вăрнарти ачасемпе çамрăксен спорт шкулĕнче ирĕклĕ майпа кĕрешес енĕпе ăсталăха туптакан ачасем черетлĕ ăмăртура каллех вăйлисен йышне кĕме пултарнă. Тĕнче класлă спорт мастерĕн Иван Григорьевăн парнисене çĕнсе илессишĕн йĕркеленĕ Раççей турнирĕ ноябрĕн 11-13-мĕшĕсенче Шупашкар хулинче иртнĕ. Унта Чăваш енри тата вунтăватă регионти кĕрешÿçĕсем хутшăннă.