Малтикас Ялтăрари культура çурчĕн ĕçченĕсем пуçарнипе ноябрь уйăхĕнче кунта драма кружокĕ йĕркелерĕç. Аслă Çĕнтерÿ 60 çул тултарнине халалласа иртекен районти смотр конкурса А.Зайцевăн “Çунатлисем ÿкмеççĕ” спектакльпе хутшăнчĕç. Смотр-конкурс Чăрăшкас Хирлепри культура çуртĕнче иртрĕ. Унта районти культура пайĕн представителĕсем те хутшăнчĕç. Пирĕн спектакле те хакларĕç, çитменлĕхсене кăтартса пачĕç. Пуçăннă ĕçе малалла тăсма хавхалантарчĕç.