«Шур чечек» акци пырать
Мартăн 20-мĕшĕнчен пуçласа апрелĕн 20-мĕшĕччен республикăра «Шур чечек» акци пырать. Ăна мартăн 24-мĕшĕ Пĕтĕм тĕнчери туберкулеза хирĕç кĕрешмелли кун панă май иртереççĕ. Пирĕн районта ку тĕлĕшпе лару-тăру çав-çавах çивĕч. Туберкулезпа чирлекенсен шучĕпе вăрнарсем республикăра малти пилĕк вырăнтан пĕринче тăраççĕ. Çапла 2003 çулта ÿпкен çак чирĕпе çĕнĕрен аптăранă 32 çынна, пĕлтĕр 40, кăçал 1 çынна тупса палăртнă. Туберкулеза пула 2003 çулта тата пĕлтĕр 11-шер, кăçал 1 çын вилнĕ. Паянхи куна ÿпке туберкулезĕпе аптăракан 98 çын учетра тăрать. Ытларах 25-40 çулсенчи ĕçлеме пултаракан çынсем чирлеççĕ.
"Çĕнтерÿ çуле"