Икĕ район хушшинчи ĕçлĕ çыхăнусене çирĕплетесси, пĕр-пĕрин ĕç опычĕпе паллашасси енĕпе йĕркеленĕ тĕл пулу иртнĕ шăмат кун иртнĕ. Канашран район администрацийĕн пуçлăхĕ Валентина Полукарова ертсе пынипе ушкăн килсе çитнĕ. Хăнасем вăрнар район пуçлăхĕпе Анатолий Кузьминпа Кÿстÿмĕрти вăтам шкулта тата “Химик” стадион çумĕнче çĕкленекен спорткомплексра пулнă, “Шанс” тулли мар яваплă обществăн рынокĕнче “ТАВ” магазина уçнă çĕре хутшăннă.

Район ертÿçисем Республика кунне хатĕрленсе ирттерес ыйтусене те сÿтсе явнă. Канашсен ку енĕпе опыт пур, вĕсем иртнĕ çул кăна хăйсем патĕнче республика уявне ирттернĕ, çавăнпа та В.Полукарова вăрнарсене чылай сĕнÿ панă.