Ÿсĕр çын сарайне чĕртсе янă
Упнерте пурăнакан хĕрĕхри С. тахçанах эрех-сăмакун авăрне путнă тесен те йăнăш пулмĕ. Арăмĕ те унран юлмасть. Çавна пула çакскерсем хăйсен çичĕ ачине йĕркеллĕ пăхаймаççĕ – пĕчĕкскерсем час-часах выçăллă-тутăллă çÿреççĕ.
Виçĕмкун, каçхине ултă сехет иртсен, кил хуçи, ÿсĕрскер, хăрушă ĕç тунă – сарайне чĕртсе янă. Вут-çулăм вăйлă алхасма пуçланă. Юрать-ха, Вăрнартан пушар сÿнтерекенсем хăвăрт килсе çитнĕ, пÿрте тата кÿршĕсен хуралтисене тивсе илме паман. Юриех вут тĕртнĕшĕн С.-на явап тыттарма пултараççĕ.
"Çĕнтерÿ çуле"