Иртнĕ эрнере «Знамя» ял хуçалăх кооперативĕн пуçлăхĕ Вячеслав Иванович Васильев хуçалăхри ĕçченĕсене лайăх тăрăшнăшăн саламланă. Малалла ĕçлеме хавхалантарса Çамрăксен театрĕнчи артистсене чĕнсе илнĕ. «Вăрманта юлнă çамрăклăх» спектакле курма хуçалăх ĕçченĕсем çеç мар, ял халăхĕ те пуçтарăннă. Куракансене, уйрăмах, Светлана Савельева, Юлия Степалова, Валентина Музыкантова пултарулăхĕ тĕлĕнтернĕ.