Совет халăхĕ фашистла Германие çапса аркатнăранпа 60 çул çитнине пирĕн çĕршывра анлăн паллă турĕç. Юнлă вăрçă хирĕнче пуç хунă салтаксене, вăрçă тата тыл ветеранĕсене, çĕнтерĕвĕве çывхартма пулăшнă çынсене сума суса ялсенче, хуласенче, тĕрлĕ мероприяти йĕркелерĕç.

Çу уйăхĕн 9-мĕшĕ иртсе кайнă пулсан та, Упнер ял администрацийĕ Тăван çĕршыва хÿтĕлесе хăйсен пурнăçне шеллемен салтаксем çинчен манмасть. Нумаях пулмасть, кунта вăй хуракансем вăрçăра вилнĕ çар çыннисене халалласа лартнă Хапăсри палăк тавра чечек клумбисене çÿп-çапсенчен тасатнă, çум-курăксене çулнă.