«Мураты» ял хуçалăх кооперативĕнче уй-хир ĕçĕсене кăçал чи малтан вĕçлерĕ. Тыр-пула кунта 160,5 гектар çинчен пуçтарса илнĕ. Вăтам тухăç 30 центнерпа танлашнă. 160 гектар çинче кĕрхи культурăсене акса хăварнă. 135 гектар кĕрхи çĕртме тунă. Туçи-мăратсем 70 гектартан çĕр улми пуçтарса илнĕ. Вăтам тухăç - 280 центнер. Уйрăмах, «Удача», «Жуковский» сортсем лайăх тухнă. Хуçалăх ертÿçи Геннадий Петрович Спиридонов пĕлтернĕ тăрăх, вĕсем çĕр лаптăкне татах ÿстересшĕн, тепĕр 120 гектар çĕр туянасшă.