Кăтартусем ÿснĕ
Кăçалхи çул районта тĕп экономика кăтартăвĕсем тăрăх ÿсĕм пулни палăрать. Потребительсен рынокĕнче те обществăлла апатланупа ваккăн суту-илĕн çаврăнăшĕ çирĕп ÿсĕмпе пыни курăнать. 12 уйăхра ваккăн суту-илÿри таварçаврăнăшăн калăпăшĕ 538,5 миллион тенкĕпе танлашать, пĕлтĕрхипе танлаштарсан ку кăтарту - 108,0 процент. Пĕтĕм таварçаврăнăшĕн калăпăшĕнче потребительсен кооперацийĕн предприятийĕсен (Вăрнар тата Калинино райповĕсен) тÿпи - 28,6 процент. 2005 çулта районта пĕтĕмпе 74,6 миллион тенкĕлĕх тÿлевлĕ тивĕçтерÿсем пурнăçланă, пĕлтĕрхи шайпа танлаштарсан - 90,3 процент.
"Çĕнтерÿ çуле"