Канмалли кунсенче Шупашкарта йĕлтĕр спорчĕпе иртнĕ Чăваш Республикин Кубокĕн 2-мĕш тапхăрне те пирĕн район спортсменĕсен пысăк ушкăнĕ хутшăннă. Пĕрремĕш кунхине класссика мелĕпе ăмăртса Галина Павловапа Дмитрий Герасимов хăйсен ушкăнĕнче иккĕмĕш вырăн йышăннă. Харпăр хăй ÿсĕмĕсенче В.Политов улттăмĕш, В.Владимиров тăваттăмĕш, К.Логачева çиччĕмĕш, С.Политов тăххăрмĕш, В.Владимиров вун виççĕмĕш пулнă.

Иккĕмĕш кунне, ирĕклĕ майпа чупса 5 километрлă дистанцие Эльвира Чугунова виççĕмĕш, Галя Павлова тăваттăмĕш вĕçленĕ.