Иртнĕ канмалли кунсенче Çĕнĕ Шупашкарти çăмăл атлетсен манежĕнче пулнă ăмăрту вăрнарсен спорт «енчĕкне» кĕмĕл медальсемпе пуянлатнă. Çитĕнÿпе савăнтараканни вара – Хăмăш хĕрачи: Марина Гордеева!

Çăмăл атлетика енĕпе Атăл тăрăхĕнчи хуласем хушшинче иртнĕ ăмăртура вăл 1,5 тата 3 километрлă дистанцисенче иккĕмĕш вырăн çĕнсе илнĕ. Çапла пултаруллă та çĕнтерÿçĕсем тума ăнтăлакан хĕрачана Раççей первенствине хутшăнма Чăваш Республикин пĕрлештернĕ команди йышне кĕртнĕ.