Чăваш ен первенствинче
Ачасемпе çамрăксен Вăрнарти спорт шкулĕнче ирĕклĕ майпа кĕрешессипе ăсталăх туптакан хĕрачасемпе каччăсем черетлĕ ăмăртура каллех чи вăйлисен йышне кĕме пултарнă.
1989-1990 çулсенче çуралнă хĕрсемпе каччăсем хушшинче иртнĕ Чăваш ен первенствинче поселокри 2-мĕш вăтам шкулта вĕренекен Ирина Львовапа Людмила Николаева пĕрремĕш вырăн йышăннă. Призерсен шутĕнче çавăн пекех - çак шкултах вĕренекен Сергей Львов, Дима Авдеев, Елена Сладкова, 1-мĕш вăтам шкулта Руслан Павлов, ял хуçалăх техникумĕн студенчĕ Петр Николаев.
"Çĕнтерÿ çуле"