Вырма çывхарать, яваплă пулма ыйтать
Кашни çулах районта çирĕп йĕркене пăхăнса март-апрель уйăхĕсенче тракторсене, вĕсен прицепĕсене тата хăй тĕллĕн çÿрекен ытти машинăсене, май-июнь уйăхĕсенче выльăх апачĕ хатĕрлекен комбайнсемпе косилкăсене патшалăх техника тĕрĕслевĕ витĕр кăлармалла. Халĕ, июльте, вырса çапакан комбайнсене техосмотр тăратма вăхăт çитрĕ. Техника юсавлă пулни уй-хир ĕçĕсене пĕр кăлтăксăр, чрезвычайлă лару-тăрусăр пурнăçлама май парать.
Умра-вырма. Çавăнпа патшалăх техника асăрхавĕн районти инспекцине комбайнерсен списокне (унта ятне, ашшĕ ятне, хушаматне, удостоверенисен номерĕсемпе серийĕсене, категорийĕсене, çирĕплетсе панă комбайнсен маркисене кăтартмалла), вĕсем медкомисси витĕр тухнă списока, патшалăх техника тĕрĕслевĕн 2 экземплярпа çырнă актсен бланкисене килсе памалла.
Техника тĕрĕслевĕ вăхăтĕнче тормоз системин, çутă тата сасă сигналĕсен, руль управленийĕн юсавлăхне, пушар сÿнтермелли хатĕрсем - шыв, хăйăр, огнетушитель («Дон-1500», «Енисей-1200» комбайнсенче - 4, «Нивăра» -2 кирлĕ), - заземлени, медицина аптечки, ремень, сăнчăр тата кардан передачăсене хÿтĕлекен кожухсем, жеткăсен гидроцилиндрсем çинче хÿтĕлев тĕревĕсем пуррине тата ыттине те тĕрĕслеççĕ.