Грант çĕнсе илнĕ
2006-2010 çулсем валли вĕрентĕве аталантарассипе йышăннă тĕллевлĕ програмăна пурнăçа кĕртес тата çитĕекен ăрăва вĕренме тата аталанма тивĕçлĕ условисем туса парас тĕллевпе республикăра август - сентябрь уйăхĕсенче грантсен конкурсне ирттернĕ.
Конкурса тăратнă 121 ĕç хушшинче çĕнтерÿçĕсен йышне Вăрнар районĕнчи виçĕ вĕрентÿ учрежденийĕ те лекнĕ, вĕсем - поселокри 3-мĕш «Ромашка» ача сачĕ, Пăртасри вăтам шкул тата Вăрнарти ачасемпе çамрăксен пултарулăх çурчĕ.
25 пин тенкĕпе танлашакан гранта çĕсе илнĕ педколллективсем аталану проекчĕсенче, тĕпрен илсен, воспитани процесне çĕнĕлĕхсем кĕртесси, ун пахалăхне тата илĕртÿлĕхне ÿстересси, йĕркене пăсма пултаракан ачасемпе профилактика ĕçĕсем ирттересси çине ытларах тĕрев тунă.