Вăрнарти хутăш препаратсен завочĕн «Химик» футбол команди çуллахи вăйăсенче Чăваш ен кубокне темиçе çул харăс выляса илчĕ, республика чемпионатĕнче мала тухма пултарчĕ.

Юлашки çулсенче вăл республика чемпионачĕн хĕллехи футбол вăййисенче те ăнăçлă выляма тытăнчĕ. Кăçал, акă, пĕрремĕш дивизионра пĕрремĕш вырăна тухрĕ.

Республика чемпионачĕн пĕрремĕш дивизионĕнче ку сезонри вăййисенче пĕтĕмпе вунпĕ команда тупăшнă. «Химик» çичĕ тĕл пулăва çĕнтерÿпе вĕçленĕ, 28 очко пухнă.

Иккĕмĕш вырăна тухнă Шупашкарти «Крылья-2» командăн икĕ очко сахалрах. Виççĕмĕш вырăнта – Шупашкарти «Ника» команда.