Çул-йĕр хăрушсăрлăхĕн эрни
Чăваш Республикипе илес пулсан та кăтартусем савăнтармаççĕ.Çулталăкра пулса иртекен2 пин ытла аварире 300 çын пурнăçĕ татăлать, суранланнисем вара 2 пине çитеççĕ. Çакă, паллах, калама çук капашсăр çухатусем, тăванĕсемпе çывăх çыннисемшĕн чăтайми хуйхă.
ООН пуçарăвĕпе, апрелĕн 23-29-мĕшĕсенче, акă, çул-йĕ Хăрушсăрлăхĕн пĕрремĕш пĕтĕмĕшле эрнине ирттерме йышăннă. Акцие çамрăк çул çÿрекенсене, велосипедистсемпе мотоциклистсене, пассажирсемпе çамрăк водительсене туллин явăçтарма тĕллев лартнă.
Патшалăх автоинспекцийĕ, ЧР Вĕрентÿ тата çамрăксен политикин министерстви автомобилистсен Пĕтĕм Раççейри пĕрлешĕвĕн республикăри уйрăмĕ тата РОСТО Чăваш енри кашни çын çул-йĕл çинче инкек-синкек тухассине асăрхаттарас ĕçе активлă хутшăнасса шанаççĕ. Çак тапхăрта вĕрентÿ учрежденийĕсенче профилактика ĕçне ирттерессине, автотранспорт предприятийĕсенче водительсем хушшинче çул-йĕр правилисене çирĕп пăхăнма пропагандăлассине тата ыттине пысăк тимлĕх уйăрмалла.
Акцин пĕрлехи пĕлтерĕшлĕ тĕллевĕ - çулсем çинчи кăткăс лару-тăрăва лайăх енне улăштарасси, водительсемпе çуран çÿрекенсен яваплăха туяссине ÿстересси. Апла пулсан, паллах, пурин те май пур таран тачă çыхăнса, пĕр-пĕрне хисеплесе ĕçлемелле.
Яланах асра тытăр: çул-йĕр правилисене çирĕп пăхăнсан кăна вилнисен тата суранланнисен йышне чакарма май пур.