Космонавт ячĕпе – чупу
СССР космонавт-летчикĕ, Совет Союзĕн икĕ хут геройĕ, Чăваш Республикин тата Шупашкар хулин хисеплĕ гражданинĕ Андриян Григорьевич Николаев çуралнăранпа 78 çул çитнине халалласа сентябрĕн 5-7-мĕшĕсенче республикăра çăмăл атлетсен IV чупăвĕ иртет. Пирĕн район территорийĕнче вăл Вăрнар - Хапăс - Кÿлхĕрри - Калинино - Ярмушка маршрутпа пулать. Эстафетăна вăрнарсемпе йĕпреçсенчен илеççĕ, красноармейскисене параççĕ. Кашни командăра 15-шер шкул ачи.
Паллă космонавта асăнса Вăрнарти шкулсенче те тĕрлĕ мероприятисем йĕркелеççĕ.
"Çĕнтерÿ çуле"