Пĕлтĕрхипе танлаштарсан кăçал хуçалăхсенче вырма ĕçĕсене кĕске вăхăтра тата пахалăхлă пурнăçлассипе хастартарах тимлеççĕ. Авăн уйăхĕн 5-мĕшĕ тĕлне комбайнерсем тĕш тырăсемпе пăрçа йышши культурăсене 12497 гектар тырă вырнă е плана 98,4 процент пурнăçланă. Вăтам тухăç - 20,8 центнер. Хальлĕхе уй-хир «ылтăнне» кĕрхи пÿлмесене 27050 тонна хывнă.

«Гвардеец»хуçалăхăн тата 66 гектар, аш-какай комбиначĕн хушма хуçалăхĕн 50, «Колосăн» 30, «Юнтапан» 23, «Агрохмельпе «Броневикăн» 20-шер, «МТСпа» «Правдăн» 15-шер гектар тырă вырмалла.

«Иккĕмĕш çăкăр» пуссинче виçĕ хуçалăх – «Санары», «Мураты», «Хорнзор» - ĕçлет. Вĕсем пурĕ 65 гектар çĕр улми кăларнă.

Трактористсем пулас тухăçăн никĕсне вăхăтра хывса хăварма тăрăшаççĕ. Çак вăхăта кĕр тыррисене 3750 гектар акнă. Ку вăл планпа палăртнин 72 проценчĕ.