«Раççей йĕлтĕр йĕрĕ» массăллă спорт ăмăртăвĕ кăçал Чăваш енре тăваттăмĕш хут иртрĕ. Старта кăçал та сывă пурнăç йĕркин пин-пин çынни тухрĕ. Пĕтĕмĕшле цифра 25 пин ытла.

Пĕтĕм Раççейри ăмăртăва республика пуçлăхĕ Николай Федоров уçнă, пĕрремĕш чупăва старт панă.

Раççей йĕлтĕр йĕрне кăçал Вăрнар районĕн 155 йĕлтĕрçи хутшăннă. Вĕсем - Калининăри, Ярмушкари, Хапăсри, Аçăмçырминчи шкулсенче, вĕренекенсен ял хуçалăх техникумĕн студенчĕсем, спорт вĕтеранĕсем.

3 километрлă дистанцире ял хуçалăх техникумĕнче вĕренекен Сергей Политов лайăх результат кăтартнă, финиша çиччĕмĕш çитнĕ. 5 километрта Дима Герасимов, 10 километрта Галина Павловапа Эльвира Чугунова хăвăртлăхпа палăрнă.