Вăрнарти ача-пăча пултарулăх çуртĕнче «Шурă ладья» ăмăрту иртрĕ. Турнира чи ăста шахматистсем килчĕç. Районти шкулсенчи 22 вĕренекен пĕр-пĕринпе хастаррăн тупăшрĕç. Пĕрремĕш хăма çинче арçын ачасен хушшинче Р.Никифоров (2-мĕш шкул) пĕрремĕш, В.Мураткин (Хирпуç) иккĕмĕш, А.Петров (Калинино) виççĕмĕш вырăнсем йышăнчĕç. Иккĕмĕш хăма çинче те çивĕч кĕрешÿ пычĕ. С.Арсентьев (1-мĕш шкул) пĕрремĕш, А.Афанасьев (Калинино) иккĕмĕш, А.Арбузов (Хапăс) виççĕмĕш пулчĕç. Хĕр ачасем те маттур вылярĕç. Малти вырăнсене Е.Иванова (Шĕнер Ишек), А.Владимирова (Хирпуç), А.Денисова (Калинино) йышăнчĕç.