Ылтăн, кĕмĕл медальсене тивĕçнĕ
Раççей Ял хуçалăх министерстви, Мускав Правительстви, Раççей Ял хуçалăх академийĕ, «ГАО ВВЦ» акционерсен уçă обществи йĕркеленипе Мускавра «Çĕр улми. Пахча çимĕç тата улма-çырла» курав иртнĕ. Унта Раççейĕн тĕрлĕ регионĕсенчи тата ют çĕршывсенчи предприяти-организацисем хутшăннă. Вĕсем хăйсен экспозицийĕсене курав павильонне вырнаçтарнă. Кунта хамăр республикăри ял хуçалăх таварне туса илекенсем те апат-çимĕç продукцине илсе килнĕ. Вăрнар районĕнчен курава икĕ хуçалăх - «Санары» тата «Агрохмель» - хутшăннă. Пахалăхлă продукци çитĕнтернĕшĕн «Санары» агрофирма ылтăн, «Агрохмель» ООО кĕмĕл медальсене тивĕçнĕ.
"Çĕнтерÿ çуле"