Чăваш ене майăн 10-11-мĕшĕсенче Шупашкарта хăвăрт утассипе иртекен XXIII Тĕнче Кубокĕн талисманне сăнланă 420 пин экземпляр почта конверчĕ килсе çитнĕ.

Кунашкал серие 2003 çулта Шупашкарта иртнĕ Европа Кубокĕ тĕлне те кăларнăччĕ. Раççей почтин  Чăваш енри управленийĕн пресс-службинчен пĕлтернĕ тăрăх, ун чухне конвертсен сăнамалли партине кăна кăларнă. Анчах йăнăшман, почта сувенирĕсем хăвăрт саланнă. Çавăнпа та оригинал-макетлăзаявкăсене «Марка» издательство центрне иртнĕ кĕркуннех тăратнă.