Санарпуçĕнчи вăтам шкулта математика урокĕсенче çĕнĕ информаци технологийĕсемпе усă курассипе методика занятийĕсем иртнĕ. Туçи  Мăратри математика учителĕ Е.Н.Афанасьева урокăн тĕрлĕ тапхăрĕнче компьютер мĕнлерех пулăшни çинчен доклад тунă.

Районти математиксем ку шкулти В.П.Иванован тата О.Е.Степанован урокĕсенче пулнă, вĕсене тишкерсе пысăк хак панă. Вĕрентекенсем аттестаци витĕр çăмăллăнах тухнă.

Каласа хăвармалла, 2007 çулта Олимпиада Ефимовнан ĕç кабинечĕ районта чи лайăххи пулнăччĕ. Вера Павловнан информатикăпа математика пÿлĕмĕ те районти конкурсра  икĕ хутчен çĕнтерÿçĕ пулнă. Унăн вĕренекенĕ  11-мĕш класри К.Федорова ку предметпа районти наукăпа практика конференцийĕнче иккĕмĕш вырăн йышăннă.