Шăматкун, майăн 3-мĕшĕнче, район çулĕсем çинче хăрушă инкек çырăннă, каллех çын пурнăçĕ вăхăтсăр татăлнă. Инкек Йĕпреç-Калинино автоçулăн 21-мĕш çухрăмĕнче, «Ласточка» пĕрлешÿллĕ сад çывăхĕнче, 20 сехет иртсен пулса иртнĕ. Вăрнар çамрăкĕ - 22-ри Б. - «Волга» çăмăл автомашинăпа пыраканскер, умри велосипедист çине кĕрсе кайнă. Велосипедпа пыракан çын пахчаран ĕçлесе таврăннă-и тен, анчах киле çитеймен. Машина айне пулнă арçын йывăр суранланнăран, инкек вырăнĕнчех вилсе кайнă. Милици сотрудникĕсем вăл кам пулнине палăртассипе тимлеççĕ.