Предприяти аталанăвĕ чи малтанах ĕç çыннисен тăрăшулăхĕнчен чылай килет. Пĕтĕм тĕнчери коопераци кунĕ умĕн Вăрнар райпо  канашĕ те мал опытлисене, пултаруллисене палăртрĕ, тÿрĕ кăмăлпа тимлекенсене тĕрлĕ шайри наградăсемпе чысларĕ.

Чăваш Республикин Патшалăх Канашĕн Хисеп грамотине акă «Огонек» ресторан поварĕ Мальвина Михайлова тивĕçнĕ. Райпо системинче вăл чĕрĕк ĕмĕр, коллективра ырă ятра.

Вероника Данилова тĕп бухгалтера, «Круглосуточный» магазин заведующийĕ Людмила Иванована тата Надежда Кочановапа Зинаида Иванова сутуçăсене, Нина Убакова буфет заведующине, Роза Сидорова правлени председательне «Раççей  потребкооперацинче тÿрĕ кăмăлпа ĕçленĕшĕн» паллăсемпе чысланă. Раççей Центросоюзĕн Хисеп грамотисемпе - Нина Порфирьева бухгалтера, Çĕрпелти лавкка сутуçине Вера Васильевана, «Огонек» ресторан официанткине Галина Зайцевана, çăкăр завочĕн мастерне Валентина Авруйскаяна.

Район администрацийĕн грамотисене тивĕçнисем виççĕн: Кив Шуртанти лавкка заведующийĕ Ирина Александрова, Надежда Иванова завсклад тата çăкăр завочĕн пекарĕ Зоя Киселева.

Райпо системин чечекленĕвĕшĕн çулсем хушши улшăнмасăр ырми-канми ĕçленĕшĕн чылаййăн çавăн пекех ытти грамотăсене те тивĕçнĕ.