Раççей Сывлăх сыхлавĕн тата социаллă аталану министерствин даннăйĕсем социаллă пособисем ÿснине çирĕплетеççĕ.

Ача çуратнăшăн пĕр хутчен паракан пособи виçи акă 8845 тенкĕне çитнĕ, ÿсĕм, пĕлтĕрхипе танлаштарсан, - 845 тенкĕ.

Çулталăк çурăччен ачапа ларакан ниçта та ĕçлемен амăшĕсем халĕ уйăхсерен пĕр ачашăн 1658 тенкĕ, иккĕмĕш е ытларах ачашăн 3317 тенкĕ илсе тăма тытăнĕç.

Ĕçлекен амăшĕсен пособи виçи пысăкрах - районта вăл 6635 тенкĕпе танлашнă. Паллă ĕнтĕ, вăл ĕç укçин 40 процентĕнчен пысăкрах пулмалла мар.

Раççей Президенчĕн Указĕпе килĕшÿллĕн çавăн пекех уйăх пуçламăшĕнчен инвалид-ачасене, 1-мĕш ушкăнри инвалидсене тата ватă çынсене пăхакансен пособине те 500-тен 1200 тенкĕне çити хăпартнă.

Июлĕн 1-мĕшĕнчен федераллă çăмăллăхçăсен те - ĕçпе вăрçă ветеранĕсен, Совет Союзĕн тата Раççей Геройĕсен, Ĕç Мухтав орденĕн тулли кавалерĕсен, Социализмла Ĕç Геройĕсен, Чернобыльти АЭС-ри аваринче хур тÿснисен - уйăхсерен тÿлекен тата социаллă тивĕçтерÿсен пуххин виçи  ÿснĕ.