Канупа сывлăха çирĕплетессине пĕрлештерекен спортăн çак тĕсĕ районта та аталанса каяссине иртнĕ канмалли кунсенче иртнĕ ăмăрту çирĕплетсе панă. Ăна Вăрнарăн чи илемлĕ вырăнĕнче - Вурнарка шывĕ хĕрринче - йĕркеленĕ.

Пĕрремĕш турнирах пĕтĕмпе сакăр команда пуçтарнă. Хĕрарăмсен ушкăнĕнче Çавалкас ял посленийĕн хĕрĕсем мала тухнă, иккĕмĕшпе виççĕмĕш вырăнсене Çĕрпел ял тата Вăрнар хула поселенийĕн командисем пайланă.

Арçынсен ушкăнĕнче хутăш мăшăр - Алексей Лавровпа Маша Мефодьева -  пуринчен хастар вылянă. Дима Трофимовпа Дима Любаев, Дима Паймулкинпа Николай Прокопьев кĕмĕл тата бронза призерсем пулса тăнă.