Чÿк уйăхĕн 29-мĕшĕнче Калининăри вăтам шкул çумĕнчи ресурс центрĕнче кĕçĕн класра вĕренекенсем хушшинче ăс-тăн вăййисем иртрĕç. Кунта юнашар вырнаçнă Аçăмçырми, Чăрăшкас Хирлеп, Хăмăш, Ярмушка, Малти Ишек, Шĕнер Ишек ялĕсенчи шкулсенче вĕренекенсем пуçтарăнчĕç. Ачасем тĕрлĕ ăс-тăн вăййисенче тупăшрĕç. Вырăс чĕлхипе - Калининăри 2-мĕш «а» класра вĕренекен Маша Андреева, Лера Кудрявцева, 3-мĕш класри Анжела Филиппова, Анна Иванова, 4-мĕш класри Настя Миронова, Анна Федорова, Аçăмçырминчи Святослав Герасимов, Хăмăшри Вика Арешкина чи пултаруллисем тата тавçăруллисем пулнине кăтартса пачĕç. Вырăс литературине - Ира Николаева (Калинино), математикăна - Николай Федоров, Эдик Тарасов, Эдик Константинов, Саша Антонов, Наташа Тихонова, Таня Андреева (Калинино), чăваш чĕлхине К.Кириллова (Шĕнер Ишек), М.Михайлов (Чăрăшкас Хирлеп) аван пĕлеççĕ. Чи маттуррисем дипломсемпе грамотăсене тивĕçрĕç.