Иртнĕ эрнере физика, истори, ют чĕлхесен предмечĕсем районти шкулсенче вĕренекенсен кăçалхи олимпиадине вĕçлерĕç.

Çăмăл мар тупăшура Вăрманкас шкулĕнчи Эдуард Ефимов (вĕрентекенĕ Н.Г.Кузьмин), Аçăмçырминчи Сергей Матвеев (В.И.Ежов) тата Вăрнарти 1-мĕш вăтам шкулти Надежда Тимофеева (В.В.Краснова) физикăпа пуринчен лайăх пĕлнине кăтартса пачĕç.

Истори предметне юратса вĕренекенсем çаксем: Вăрнарти 2-мĕш вăтам шкулти Иван Захаров (Т.А.Алексеева) тата 1-мĕш вăтам шкулти Андрей Петров (Н.Н.Афанасьева).

Вăрнарти 1-мĕш шкулти Вячеслав Петров (Г.Е.Константинова) тата Малти Ишекри Евгений Харисанов (Е.Т.Никифорова) нимĕç чĕлхипе, Аçăмçырминчи Сергей Матвеев (А.Н.Петрова) тата Вăрнарти 2-мĕш шкулти Елена Артемьева (В.И.Григорьева) акăлчан чĕлхипе мала тухрĕç.

3-4-мĕш классенче вĕренекенсем интеллектуаллă вăйăра тупăшрĕç. Вырăс чĕлхипе Вăрнарти 2-мĕш шкулти Мария Тракова (О.В.Милицкова) тата Павел Александров (О.Г.Курбатова) палăрчĕç. Математикăпа та çĕнтерÿçĕсем çак шкултанах: Екатерина Давыдова (С.А.Антонова), Анастасия Ильина (О.Г.Курбатова).

Чăваш чĕлхи предметне Мăн Явăшри Елена Казакова (Н.Н.Алексеева) тата Санарпуçĕнчи Анжелика Иванова (Л.Н.Иванова) пуринчен аван пĕлеççĕ.

Калининăри Ирина Николаева (А.В.Васильева) тата Вăрнарти 1-мĕш шкулти Диана Кириллова (Н.В.Бурмистрова) - чи илемлĕ вулакансем.