Çăмăл атлетика енĕпе вунпиллĕкмĕш Европа чемпионатне кăçал Бельги тĕп хули Брюссель йышăннă. Унта пĕтĕмпе 32 çĕршыв  хутшăннă.

Пĕлтĕрхи пекех Раççейĕн пĕрлештернĕ команди йышĕнче Вăрнар районĕнчен тухнă хĕрсем пурри мăнаçлăх туйăмĕ вăратать. Вĕсем çĕнтерÿçĕ йышне кĕни вара çак туйăма икĕ хут вăйлатать. Уйрăмшар зачетра призлă вырăнсене йышăнайман пулин те, Хăмăш тата Хурăнсур Çармăс хĕрĕсем Марина Гордеевапа Екатерина Горбунова акă юниоркăсен командипе бронза медальсем çĕнсе илнĕ.

Çамрăксен командипе тепĕр чăваш хĕрĕ Наталья Пучкова кĕмĕл призер пулса тăнă.