Юн тата унăн компоненчĕсене ытларах чухне нимĕнпе те улăштарма пулмасть. Çавăнпа та донорсем питĕ кирлĕ. Вĕсем сывă çынсем пулмалла. 40 хутчен е ытларах юн паракансем «хисеплĕ донор» ята тивĕçеççĕ. Ун пек пархатарлă çынсем районта 61-ен.

     Кăçал донор кунĕсем февралĕн 3-мĕшĕнче район тĕп больницин поликлиникинче тата  февралĕн 12-мĕшĕнче Мăн Явăшри  фельдшерпа акушер пунктĕнче иртĕç. Юн паракансен 9 сехет тĕлне пымалла, пĕрле паспорт  пулмалла. Донорсенчен юн илсен ВИЧ-инфекципе, В тата С гепатитăн чир-чĕр палăрăмĕсем пуррипе çуккине тĕрĕслеççĕ. Мĕн пур донорсен плазмине (юн шывне) упраççĕ. Юн паракансене ĕçрен хăтарнине тата канма хушма кун панине ĕнентерекен справка, 80 тенкĕ укçа параççĕ.