Вĕренекен çамрăксен наука творчествин регионсем хушшинчи «Юность Большой Волги» фестиваль-конференци кăçал вунпĕрмĕш хут иртнĕ. Ытти çулхи пекех унта Вăрнарти 29-мĕш училищĕпе ял хуçалăх техникумĕнче вĕренекенсем те ăнăçлă хутшăннă.

Училищĕн - призлă икĕ вырăн.

«Естественные и сельскохозяйственные науки» секцире техникум студенчĕсем тăваттăн харăс палăрнă. Татьяна Иванова ĕнесене пăруланă хыççăн ерекен чирсенчен тĕрлĕ меслетпе сиплес опыт ĕçĕпе (ертÿçи - Н.Е.Михайлова) пĕрремĕш вырăн йышăннă.  Максим Павлов В.А.Горбунова преподаватель ертсе пынипе выльăхсен ашне вилес умĕн ерекен микробсене тĕпченĕ, ку ĕçпе иккĕмĕш вырăн йышăннă. Ирина Леонтьевапа (М.А.Михайлова) Алексей Журавлев (Г.Т.Трофимов) хăйсен танлаштаруллă ĕçĕсемпе виççĕмĕш вырăнсене тивĕçнĕ.

«Пĕтĕмшле гуманитари наукисем» секцире 315-мĕш ушкăнри Анна Григорьева палăрнă. Вăл Г.А.Павлова ертсе пынипе Чăваш Республикинчи йĕлтĕр спорчĕн аталану истори тишкерĕвĕпе виççĕмĕш вырăн йышăннă.