Халĕ кĕрхи ĕçсем  вĕçленнĕ май, ял хуçалăх культурисен тухăçĕсене пĕтĕмлетме те кăмăллă. Тĕш тырăсене вăтамран кашни гектартан бункер виçипе 34,6 центнер пухса кĕртнĕ. Хăш-пĕр тырăсен тухăçĕ пĕлтĕрхинчен пысăкрах. Сăмахран, ыраш кашни гектартан 48,3 центнер тухнă, кĕрхи тулă 32,6 центнерпа танлашнă.

        Кĕрхи тырăсен тухăçĕ лайăххине шута илсе, хуçалăх кăçал та вĕсен лаптăкне ÿстернĕ, 400 гектара çитернĕ. Кĕр тыррисене вăхăтра, пысăк пахалăхпа акса хăварнăран вĕсем парка шăтса тухнă.

       Хуçалăх çулсерен пысăк тухăçлă çĕр улми туса илет. Кăçал ăна кашни гектартан 270 центнер пухса кĕртнĕ.

Выльăх апачлĕх акнă курăксем те хÿхĕм çитĕннĕ. Çавна пула механизаторсем выльăхсене хĕл каçарма 3750 тонна сенаж, 720 тонна силос, 234 тонна утă, 560 тонна улăм хатĕрленĕ.