Аш-пăш, сĕт туса илесси ÿснĕ
Район администрацийĕн ял хуçалăхĕпе экологи пайĕнчен пĕлтернĕ тăрăх, кăрлач уйăхĕнче мĕн пур тытăмри хуçалăхсенче 569 тонна аш (е пĕлтĕрхи çак тапхăрти шайăн 104 проценчĕ), 2184 тонна сĕт (103,7 процент) туса илнĕ. Пĕтĕмĕшле илсен çак вăхăт тĕлне выльăх-чĕрлĕх йышĕ 18228 пуç шутланать, çав шутран ĕнесем - 8524, сыснасем - 15331. Ăратлăха лайăхлатни, апат рационне пуянлатни ÿсĕм тума пулăшать. Иртнĕ уйăхра пĕчĕк, вăтам тата пысăк ял хуçалăх организацийĕсенче кашни ĕнерен вăтамран
Аш-пăш туса илессипе аш-какай комбинатĕнче, Карл Маркс ячĕллĕ, «Янгорчино», «Луч», «Хорнзор» кооперативсенче ăнăçлă тимленĕ. Пĕтĕмĕшле тишкерсен, ял хуçалăх организацийĕсем выльăх-чĕрлĕх отраслĕнче ĕç кăтартăвĕсем ÿстерни яр уççăн курăнать.
Сĕт кăçалхи январьте, иртнĕ çулхи çак вăхăтрипе танлаштарсан, - 11,3 :, аш-пăш - 13 : ытларах туса илнĕ.
Мăйракаллă шултра выльăх йышне Карл Маркс ячĕллĕ, «Янгорчино», «Мураты» кооперативсенче, «Агрохмель» агрофирмăра, Вăрнарти аш-какай комбиначĕн хушма хуçалăхĕнче, сыснасен хисепне «Луч», «МТС», «Хлебороб» предприятисенче ÿстернĕ.
Выльăх-чĕрлĕх отрасльне аталантарассипе çителĕксĕр ĕçлекен ял хуçалăх предприятийĕсен те çук мар. Вĕсем - «Правда», «Родина», «Гвардеец» хуçалăхсем.